Bagajni havo transportida tashish

Bagajni qabul qilish

Bagaj belgilangan tartibda ro‘yxatdan o‘tkazilgandan keyin tashishga qabul qilinadi. U:

but saqlanishini ta’minlaydigan o‘ramda bo‘lishi;
tashish uchun qulay ushlagichga ega bo‘lishi;
o‘lchovdan o‘tkazilishi kerak.

Ro‘yxatdan o‘tkazilgan bagaj uchun yo‘lovchiga raqamli bagaj birkasi beriladi. Qo‘l yuki ham tegishli birka bilan belgilanishi mumkin.

Muhim: bagaj birkasining taloni bagaj olingunga qadar saqlanishi kerak.

Bepul bagaj va qo‘l yuki

Bepul bagajning og‘irligi, joylar soni va o‘lchami tashuvchi tomonidan xizmat ko‘rsatish toifasi va tarifga qarab belgilanadi.

Salonda tashiladigan qo‘l yuki me’yorini ham tashuvchi belgilaydi. Qo‘l yukidan tashqari portfelь, ayollar sumkachasi, hassa, soyabon, ustki kiyim, bolalar ozuqasi, yo‘l beshigi hamda harakatlanish vositalari kabi zarur shaxsiy buyumlarni olib kirishga ruxsat berilishi mumkin.

Muhim: aviachipta sotib olishdan oldin aynan tanlangan tarifdagi bagaj va qo‘l yuki me’yorini tekshirish lozim.

Ortiqcha va maxsus bagaj

Bepul me’yordan ortiq bagaj va maxsus bagaj tashuvchi bilan kelishilgandan hamda qo‘shimcha haq to‘langandan keyin qabul qilinadi.

Tashuvchi quyidagilar uchun alohida qoidalar belgilashi mumkin:

hayvonlar va qushlar;
sport anjomlari;
o‘rindiqli aravachalar;
elektron uskunalar;
salondagi qo‘shimcha o‘rinda tashiladigan bagaj;
diplomatik bagaj;
yirik, og‘ir, qimmat yoki mo‘rt bagaj.

Havo kemasining yuk sig‘imi etarli bo‘lmasa, tashuvchi ortiqcha bagajni qabul qilishni cheklashi mumkin.

Qimmatbaho buyumlar

Pul, bank kartalari, qimmatbaho qog‘ozlar, hujjatlar, qimmatbaho metallar va toshlar, tibbiy hujjatlar hamda mo‘rt buyumlar yo‘lovchining kuzatuvida tashilishi kerak.

Taqiqlangan va cheklangan buyumlar

Yo‘lovchilar, havo kemasi yoki boshqa mol-mulkka xavf tug‘diruvchi narsalar bagaj yoki qo‘l yuki sifatida qabul qilinmaydi.

Xavfli moddalar va buyumlar ro‘yxati IKAOning texnik yo‘riqnomalari hamda aviatsiya xavfsizligi qoidalari asosida belgilanadi. Qurol, o‘q-dori, suyuqlik, gelь, aerozolь, gazli idish va ayrim elektron uskunalarga maxsus talablar qo‘llaniladi.

Muhim: taqiqlangan buyumlar ro‘yxati va cheklovlarni jo‘nash aeroporti hamda tashuvchidan parvozdan oldin aniqlash kerak.

Bagaj tashish tartibi 2238-son Havo transportida yo‘lovchi va bagaj tashish qoidalari bilan belgilangan.

Maqola foydali bo‘ldimi?

Bo‘limlar