Avtomobilь yo‘llarida harakatlanishni cheklash yoki taqiqlash

Harakat cheklanadigan holatlar

Avtomobilь yo‘lida yoki uning muayyan qismida harakat quyidagi hollarda vaqtincha cheklanishi yoki taqiqlanishi mumkin:

noqulay ob-havo va iqlim sharoitlarida;
tabiiy ofat yoki yong‘in yuz berganda;
yo‘lning transport vositalarini ko‘tarish qobiliyati pasayganda;
avariya yoki boshqa xavfli holat yuzaga kelganda;
ta’mirlash-qurilish ishlari olib borilganda;
yo‘l yoki ajratilgan mintaqadagi ishlar transport vositalari va piyodalar xavfsizligiga tahdid solganda;
qonunchilikda belgilangan boshqa hollarda.

Cheklov barcha transport vositalariga yoki ularning ayrim toifalariga, muayyan vaqt yoki yo‘l uchastkasiga nisbatan belgilanishi mumkin.

Cheklovni joriy etish

Yo‘l tashkiloti noqulay ob-havo, tabiiy ofat yoki ta’mirlash ishlari sababli harakatni cheklaganda:

mahalliy davlat hokimiyati organini xabardor qilishi;
yo‘ldan foydalanuvchilarga ommaviy axborot vositalari orqali ma’lum qilishi;
tegishli yo‘l belgilari va to‘siqlarni o‘rnatishi;
Yo‘l harakati xavfsizligi xizmati va zarur hollarda Favqulodda vaziyatlar organlari bilan hamkorlik qilishi kerak.

Muhim: haydovchi harakatlanish uchun jismoniy imkoniyat mavjud bo‘lsa ham, o‘rnatilgan taqiqlovchi belgi, to‘siq va vakolatli xodim ko‘rsatmasiga rioya qilishi shart.

Ishlar olib borilayotganda

Yo‘lda yoki uning ayrim uchastkasida ishlar bajarish uchun harakatni cheklash yo‘l qaysi yuridik yoki jismoniy shaxs ixtiyorida bo‘lsa, o‘sha sub’ekt bergan ruxsatnoma asosida amalga oshiriladi.

Cheklangan uchastkada:

xavfsiz aylanma yo‘nalish;
vaqtinchalik belgilar;
yoritish va ogohlantirish vositalari;
piyodalar uchun xavfsiz o‘tish joylari tashkil etilishi lozim.

Shoshilinch holatlar

Avariya, tabiiy ofat yoki kechiktirib bo‘lmaydigan boshqa holatda harakat oldindan ruxsatnoma olmasdan cheklanishi mumkin.

Bunda yo‘l qaysi sub’ekt ixtiyorida bo‘lsa, o‘sha sub’ekt hamda Yo‘l harakati xavfsizligi xizmati zudlik bilan xabardor qilinishi shart.

Muhim: yo‘l tashkilotlari cheklov joriy etilgan vaqtda ham yo‘lni soz holatga keltirish va xavfsiz harakatni imkoni boricha tez tiklash choralarini ko‘rishi kerak.

Harakatni cheklash yoki taqiqlash tartibi «Avtomobilь yo‘llari to‘g‘risida»gi Qonunning 16 va 23-moddalari bilan belgilangan.

Maqola foydali bo‘ldimi?

Bo‘limlar