Tomorqa va dehqon xo‘jaliklari

Tomorqa xo‘jaligi

«Tomorqa xo‘jaligi to‘g‘risida»gi Qonunga muvofiq, tomorqa xo‘jaligi shaxsiy tomorqa er uchastkasida qishloq xo‘jaligi mahsulotlarini erkin va mustaqil ravishda etishtirish yoki qayta ishlash bilan bog‘liq faoliyatdir.

Tomorqa xo‘jaligidagi faoliyat, asosan, er uchastkasi egasi va uning oila a’zolarining shaxsiy mehnatiga asoslanadi. Etishtirilgan mahsulotni sotish, uning narxini belgilash va olingan daromadni tasarruf etish er uchastkasi egasi tomonidan mustaqil amalga oshiriladi.

Er uchastkasi egasi undan ruxsat etilgan foydalanishning asosiy turiga muvofiq oqilona foydalanishi, qishloq xo‘jaligi ekinlarini ekishi yoki erni obodonlashtirishi kerak.

Dehqon xo‘jaligi

«Dehqon xo‘jaligi to‘g‘risida»gi Qonunga muvofiq, dehqon xo‘jaligi yuridik shaxs tashkil etgan yoki tashkil etmagan holda qishloq xo‘jaligi mahsulotlarini etishtirish va sotish bilan shug‘ullanishi mumkin.

Dehqon xo‘jaligining boshlig‘i muomalaga layoqatli, voyaga etgan O‘zbekiston fuqarosi yoki O‘zbekistonda doimiy yashovchi fuqaroligi bo‘lmagan shaxs bo‘lishi mumkin.

Xo‘jalikni hisobga qo‘yish yoki davlat ro‘yxatidan o‘tkazish Davlat xizmatlari markazi yoki elektron davlat xizmatlari orqali amalga oshiriladi.

Dehqon xo‘jaligini ro‘yxatdan o‘tkazish, hisobga qo‘yish, erga bo‘lgan huquqni davlat ro‘yxatidan o‘tkazish va reestrdan ko‘chirma berish uchun davlat boji hamda yig‘im undirilmaydi.

Dehqon xo‘jaligi uchun er maydoni

Umumiy qoidaga ko‘ra, dehqon xo‘jaligi uchun 0,06 gektardan 1 gektargacha er uchastkasi beriladi.

Prezident qarorlari bilan belgilangan ayrim hududlarda chorva ozuqasi ekinlarini etishtirish uchun 0,06 gektardan 5 gektargacha er berilishi mumkin.

Fermer xo‘jaligi yoki boshqa qishloq xo‘jaligi korxonasining asosiy ekindan bo‘shagan eri oraliq ekin ekish uchun 0,06 gektardan 10 gektargacha, bir yilgacha bo‘lgan muddatga ikkilamchi ijaraga berilishi mumkin. Bunday erni uchinchi shaxsga berish taqiqlanadi.

Erdan foydalanish shartlari

Dehqon xo‘jaligi erdan belgilangan ixtisoslashuv va ruxsat etilgan foydalanish turiga muvofiq foydalanishi shart. Erda engil konstruktsiyali issiqxonalar, sug‘orish inshootlari va mahsulot etishtirish uchun zarur engil ob’ektlar joylashtirilishi mumkin.

Erda qonunchilikda ruxsat etilmagan kapital bino va inshootlarni qurish mumkin emas.

Erni uchinchi shaxslarga o‘zboshimchalik bilan berish, belgilangan maqsaddan tashqari foydalanish yoki erni qarovsiz qoldirish erga bo‘lgan huquqning bekor qilinishiga sabab bo‘lishi mumkin.

Maqola foydali bo‘ldimi?

Bo‘limlar