Sudьyani rad qilish

Sudьyani rad qilish asoslari

Sudьya quyidagi hollarda ishni ko‘rishi mumkin emas va rad qilinishi lozim:

mazkur ishni ilgari sudьya sifatida ko‘rgan va uning takror ishtirok etishiga qonun bo‘yicha yo‘l qo‘yilmasa;
ish natijasidan shaxsan, bevosita yoki bilvosita manfaatdor bo‘lsa;
sudьyaning xolisligi va beg‘arazligiga shubha tug‘diradigan boshqa holatlar mavjud bo‘lsa;
shu ishda ilgari hakamlik sudi sudьyasi, prokuror, ekspert, mutaxassis, tarjimon, kotib, guvoh yoki vakil sifatida ishtirok etgan bo‘lsa;
tarafning yoki ishda ishtirok etuvchi boshqa shaxsning qarindoshi bo‘lsa;
ishni ko‘rayotgan hay’at tarkibidagi boshqa sudьyaning qarindoshi bo‘lsa.

Protsessning boshqa ishtirokchilarini rad qilish

Manfaatdorlik, xolislikka shubha va qarindoshlikka oid asoslar prokuror, ekspert, mutaxassis, tarjimon va sud majlisi kotibiga nisbatan ham qo‘llanadi.

Ekspert, mutaxassis yoki tarjimon taraflarga xizmat yuzasidan yoxud boshqa tarzda qaram bo‘lsa, ularga nisbatan ham rad qilish haqida arz berilishi mumkin.

Rad qilish haqidagi arz

Rad qilish haqidagi arz:

asoslantirilgan bo‘lishi;
qoida tariqasida, ishni mazmunan ko‘rish boshlanguniga qadar berilishi kerak.

Agar rad qilish asosi keyinroq ma’lum bo‘lsa, arz ishni mazmunan ko‘rish boshlanganidan keyin ham berilishi mumkin.

Sudьya yoki boshqa protsess ishtirokchisi rad qilish asosi mavjudligini bilsa, o‘zini o‘zi rad qilishi shart.

Muhim: Ayni bir shaxsga nisbatan ayni bir asoslar bo‘yicha takroran rad qilish arz qilinmaydi. Bunday takroriy arz ko‘rib chiqilmaydi.

Arzni hal etish tartibi

Ishni yakka tartibda ko‘rayotgan sudьyani rad qilish masalasi sud raisi tomonidan, yakka tarkibli sudda esa shu sudьyaning o‘zi tomonidan hal qilinadi.

Sud hay’ati a’zosini rad qilish masalasi rad qilinishi so‘ralayotgan sudьya ishtirokisiz qolgan sudьyalar tomonidan hal etiladi. Ovozlar teng bo‘lsa, sudьya rad qilingan hisoblanadi.

Tartib Fuqarolik protsessual kodeksining 21–24-moddalari bilan belgilangan.

Maqola foydali bo‘ldimi?

Bo‘limlar