Nogironligi bo‘lgan bolaning ota-onasiga qo‘shimcha ta’til

16 yoshga to‘lmagan nogironligi bo‘lgan bolaning ota-onasidan biriga yoki ota-ona o‘rnini bosuvchi shaxsga har yili kamida 4 kalendarь kunlik haq to‘lanadigan qo‘shimcha ta’til beriladi.

Ushbu ta’til:

yillik mehnat ta’tiliga qo‘shib berilishi;
ish beruvchi bilan kelishilgan vaqtda alohida;
to‘liq yoki qismlarga bo‘lingan holda ish yili davomida ishlatilishi mumkin.

Qo‘shimcha ta’tilni keyingi ish yiliga ko‘chirish yoki pulli kompensatsiya bilan almashtirishga yo‘l qo‘yilmaydi.

Ish haqi saqlanmaydigan ta’til

Xodimning xohishiga ko‘ra unga har yili 14 kalendarь kungacha ish haqi saqlanmaydigan ta’til ham beriladi.

Ushbu huquq:

12 yoshga to‘lmagan ikki nafar va undan ortiq bolasi bor ota-onadan biriga;
16 yoshga to‘lmagan nogironligi bo‘lgan bolasi bor ota-onadan biriga yoki ota-ona o‘rnini bosuvchi shaxsga tatbiq etiladi.

Oylik qo‘shimcha dam olish kuni

Nogironligi bo‘lgan bolani tarbiyalayotgan ota-onadan biriga yoki ota-ona o‘rnini bosuvchi shaxsga bola 16 yoshga to‘lguniga qadar oyiga bir kun qo‘shimcha dam olish kuni beriladi.

Bu kun uchun byudjetdan tashqari Pensiya jamg‘armasi mablag‘lari hisobidan bir kunlik ish haqi miqdorida nafaqa to‘lanadi.

Normativ hujjatlar

O‘zbekiston Respublikasining Mehnat kodeksi, 399, 401 va 402-moddalar

Maqola foydali bo‘ldimi?

Bo‘limlar