Temir yo‘lda tashiladigan buyumlar toifalari

Qo‘l yuki

Qo‘l yuki — o‘ram turidan qat’i nazar:

engil ko‘tarib yuriladigan;
uch o‘lchovi yig‘indisi 180 santimetrdan oshmaydigan;
vazni, qoida tariqasida, 36 kilogrammdan oshmaydigan;
yo‘lovchi vagonida maxsus ajratilgan joyga qiyinchiliksiz joylashadigan buyumlardir.

Ikki o‘rinli yotoq kupeli vagonlarda 50 kilogrammgacha qo‘l yuki olib kirish mumkin.

Bagaj va yuk bagaji

Bagaj — yo‘lovchiga shaxsan tegishli bo‘lgan, safar tugagach unga zarur bo‘ladigan va chipta asosida bagaj vagonida tashishga qabul qilingan buyumlar.

Yuk bagaji — yo‘lovchi tashish, pochta-bagaj yoki maxsus bagaj vagonlarida tashiladigan temir yo‘l tashish ob’ektlaridir.

Qo‘l yuki uchun yo‘lovchining o‘zi, tashishga topshirilgan bagaj va yuk bagaji uchun esa tashish hujjatlari rasmiylashtirilganidan keyin tashuvchi belgilangan doirada javobgar bo‘ladi.

Cheklangan miqdorda tashiladigan buyumlar

Ehtiyot choralariga rioya qilingan holda quyidagilarni cheklangan miqdorda olib o‘tish mumkin:

sirka — bir yo‘lovchiga 0,5 litrgacha;
xizmat maqsadidagi spirt — korxona ma’lumotnomasi asosida, germetik va tamg‘alangan idishda 2 litrgacha;
gazli zajigalka va uning gaz ballonchasi — bir yo‘lovchiga 2 tagacha;
fiksatorsiz buklama yo‘l yoki qayirma pichoq;
simobli tibbiy termometr — 1 dona;
standart g‘ilofdagi simobli tonometr — 1 dona;
maxsus germetik konteynerdagi barometr yoki manometr;
belgilangan talablarga muvofiq qadoqlangan kosmetika vositalari.

Muhim: buyumni olib o‘tishga ruxsat berilgani uni poezdda iste’mol qilish mumkinligini anglatmaydi. Temir yo‘l yo‘lovchi transportida alkogolli ichimlik iste’mol qilib mast holatda bo‘lish taqiqlanadi.

Ko‘zdan kechirish

Vokzalning nazorat hududiga kirishdan oldin yo‘lovchi, uning qo‘l yuki va bagaji maxsus texnik vositalar orqali ko‘zdan kechiriladi. Ko‘rik, qoida tariqasida, buyum egasining ishtirokida amalga oshiriladi.

Muhim: boshqa shaxslar tashish uchun bergan, ichida nima borligi noma’lum bo‘lgan jo‘natma, paket yoki tugunlarni qabul qilmaslik lozim.

Tashish qoidalari Vazirlar Mahkamasining 2012-yil 13-apreldagi 109-son qarori, xavfsizlik nazorati va taqiqlangan buyumlar ro‘yxati esa 2023-yil 17-apreldagi 159-son qaror bilan belgilangan.

Maqola foydali bo‘ldimi?

Bo‘limlar