O‘zbekiston Respublikasi Adliya vazirligining tashkil etilishi va taraqqiyot bosqichlari

O‘zbekiston Respublikasi Adliya xalq komissarligi 1924 yil
26 noyabrda Inqilobiy qo‘mitaning qarori bilan Turkiston avtonom respublikasi Adliya xalq komissarligi negizida tashkil etilgan. Uning asosiy vazifalaridan biri O‘zbekiston tarkibiga kirgan avvalgi Buxoro Amirligi, Xorazm va Qo‘qon xonligi davlatlarining hududida adliya idoralarining faoliyatini tartibga solish va muvofiqlashtirishdan iborat edi.

1991 yilda O‘zbekiston xalqi davlat mustaqilligiga erishdi. Uning tarixiy ahamiyati shundan iboratki, avvalo inson omilining ustuvorligi, davlat mustaqilligi tamoyillari tan olindi, xalqparvar demokratik huquqiy davlat barpo etish kabi maqsadlar qo‘yildi.

Mustaqil mamlakatimiz Adliya vazirligining rivojlanish tarixining asosiy sanalarini ko‘rib chiqsak:

1992 yil 8 yanvarь – davlatimiz rahbarining “O‘zbekiston Respublikasi Adliya vazirligi faoliyatini takomillashtirish to‘g‘risida”gi PF-314-sonli tarixiy Farmoni qabul qilindi va mustaqil O‘zbekiston Respublikasi Adliya vazirligiga asos solingan. Ya’ni, O‘zbekiston SSRning ittifoq-respublika Adliya vazirligi O‘zbekiston Respublikasining Adliya vazirligiga aylantirildi.

1992 yil 12 noyabrь – O‘zbekiston Respublikasi Vazirlar Mahkamasining “O‘zbekiston Respublikasi Adliya vazirligi faoliyatini takomillashtirish to‘g‘risida”gi 523-sonli qarori qabul qilindi va Adliya vazirligining Nizomi tasdiqlandi.

1993 yil 17 iyunь – O‘zbekiston Respublikasi Vazirlar Mahkamasining “Vazirliklar, davlat qo‘mitalari va idoralarning umumiy-majburiy tusdagi normativ-huquqiy hujjatlarining huquqiy ekspertizasi va ularni davlat ro‘yxatiga olish to‘g‘risidagi nizomni tasdiqlash haqida”gi 294-sonli qaroriga asosan Adliya vazirligining Iqtisodiy islohot bo‘yicha qonunchilik va me’yoriy hujjatlar loyihalarini tayyorlash va huquqiy ekspertiza qilish boshqarmasi tarkibida Idoraviy me’yoriy hujjatlarni davlat ro‘yxatidan o‘tkazish bo‘limi tashkil etildi.

1994 yil 24 yanvarь – O‘zbekiston Respublikasi Vazirlar Mahkamasining 27-sonli qaroriga asosan O‘zbekiston Respublikasi Adliya vazirligi markaziy apparatining tuzilmasiga tegishli tartibda o‘zgartirishlar va qo‘shimchalar kiritilib, Huquqiy siyosatni muvofiqlashtirish hamda Huquqiy targ‘ibot bo‘limlari negizida Huquqiy siyosatni va xalqaro huquqiy aloqalarni muvofiqlashtirish boshqarmasi, Iqtisodiy islohot bo‘yicha qonunchilik va normativ hujjatlar loyihalarini tayyorlash va huquqiy ekspertiza qilish boshqarmasi tashkil etildi.

1994 yil 22 mart – O‘zbekiston Respublikasi Vazirlar Mahkamasining 153-son qarori bilan “Yuridik shaxslar birlashmalarini davlat ro‘yxatidan o‘tkazish haqida”gi Nizom qabul qilindi.

1994 yil 13 may – O‘zbekiston Respublikasi Vazirlar Mahkamasining “O‘zbekiston Respublikasi Adliya vazirligi apparati tuzilmasini takomillashtirishning ba’zi masalalari to‘g‘risida”gi 257-son qaroriga asosan Xalqaro-huquqiy boshqarmasi tuzildi.

1995 yil 27 aprelь – O‘zbekiston Respublikasi Vazirlar Mahkamasining “O‘zbekiston Respublikasi Adliya vazirligi faoliyatini takomillashtirish va uning apparati tuzilmasidagi o‘zgartirishlar to‘g‘risida”gi qaroriga muvofiq, Adliya vazirligining Iqtisodiy islohot bo‘yicha qonunchilik va normativ hujjatlar loyihalarini tayyorlash va huquqiy ekspertiza qilish boshqarmasi tarkibida 3 ta shtat birligi miqdorida Tadbirkorlar va xususiy mulk egalari huquqlariga rioya etish bo‘yicha qonunchilikning bajarilishini nazorat qilish bo‘limi tashkil etildi.

1995 yil 23 avgust – “Huquq va burch” jurnali hamda “Inson va qonun” huquqiy gazetasi Davlat Matbuot qo‘mitasi tomonidan ro‘yxatdan o‘tkazildi.

1997 yil 10 iyulь – O‘zbekiston Respublikasi Vazirlar Mahkamasining 345-sonli qaroriga asosan Adliya vazirligi tizimida fuqarolarning qonunchilik buzilishi yuzasidan ariza va shikoyatlarni ko‘rib chiqish boshqarmasi tashkil etildi.

1997 yil 9 oktyabrь – O‘zbekiston Respublikasi Vazirlar Mahkamasining “Vazirliklar, davlat qo‘mitalari va idoralar me’yoriy hujjatlarining qonuniyligini ta’minlash chora-tadbirlari to‘g‘risida”gi 469-sonli qaroriga asosan Iqtisodiy islohot bo‘yicha qonunchilik va normativ hujjatlar loyihalarini tayyorlash va huquqiy ekspertiza qilish boshqarmasi tarkibidagi Vazirliklar, davlat qo‘mitalari va idoralarning me’yoriy hujjatlarini davlat ro‘yxatidan o‘tkazish bo‘limi negizida Idoraviy me’yoriy hujjatlarni davlat ro‘yxatidan o‘tkazish boshqarmasi tashkil etilib, Adliya vazirligi markaziy apparatining alohida tarkibiy bo‘g‘ini sifatida ajralib chiqdi.

1998 yil 24 fevralь – O‘zbekiston Respublikasi Vazirlar Mahkamasining “Akademik litseylar va kasb-hunar kollejlarini tashkil etish va ularning faoliyatini boshqarish to‘g‘risida”gi 77-sonli qaroriga asosan Toshkent yuridik texnikumi negizida Toshkent yuridik kolleji tashkil etildi va 2003-yil 27-avgustda Adliya vazirligi tizimiga kiritildi.

1998 yil 24 aprelь – O‘zbekiston Respublikasi Vazirlar Mahkamasining “O‘zbekiston Respublikasi Prezidentining “Xo‘jalik yurituvchi subektlarning iqtisodiy nochorligi va shartnoma majburiyatlarining bajarilishi uchun mansabdor shaxslarning javobgarligini kuchaytirish to‘g‘risida”gi 1998-yil 4-martdagi
PF-1938-son Farmonining bajarilishini ta’minlash chora-tadbirlari haqida”gi 177-son qaroriga asosan Adliya vazirligi markaziy apparatida Xo‘jalik yurituvchi subektlar tomonidan shartnoma majburiyatlari bajarilishini nazorat qilish boshqarmasi tashkil etildi.

1999 yil 12 fevralь – O‘zbekiston Respublikasi Vazirlar Mahkamasining “Ijro intizomini mustahkamlash chora-tadbirlari to‘g‘risida”gi 12-sonli qarorining qabul qilinishi, shuningdek vazirlikda ish yuritilishini sifatli va yanada samarali tarzda tashkil etish hamda ijro intizomini mustahkamlash maqsadida Adliya vazirligi Hay’ati majlisining 1999-yil 25-yanvardagi 1-son bayoni bilan vazirlikning Ishlar boshqarmasi negizida Tashkiliy-nazorat va tahlil boshqarmasi tashkil etildi.

2000 yil 5 avgustь – O‘zbekiston Respublikasi Vazirlar Mahkamasining 304-son qaroriga muvofiq aholining huquqiy madaniyatini oshirish, yuridik va jismoniy shaxslarning me’yoriy-huquqiy hujjatlardan keng foydalanishini ta’minlash, jamiyatni huquqiy axborotlar bilan ta’minlash tizimini takomillashtirish va amaldagi qonun hujjatlarini bosqichma-bosqich turkumlashni tashkil etish maqsadida Adliya vazirligi markaziy apparatida Qonun hujjatlarini turkumlash va huquqiy axborot boshqarmasi tashkil etildi.

2001 yil 22 sentyabrь – O‘zbekiston Respublikasi Vazirlar Mahkamasining 383-son qaroriga asosan O‘zbekiston Respublikasi Adliya vazirligi huzuridagi Sudlar faoliyatini tashkiliy, moddiy-texnika jihatidan va moliyaviy ta’minlash departamenti O‘zbekiston Respublikasi Adliya vazirligi huzuridagi Sud qarorlarini ijro etish, sudlar faoliyatini moddiy-texnika jihatidan va moliyaviy ta’minlash departamenti sifatida qayta tashkil etildi.

2003 yil 2 may – O‘zbekiston Respublikasi Vazirlar Mahkamasining “To‘g‘ridan-to‘g‘ri xorijiy investitsiyalarni huquqiy himoya qilishni kuchaytirishga doir qo‘shimcha chora-tadbirlar to‘g‘risida”gi 205-son qarori qabul qilindi va unga asosan O‘zbekiston Respublikasi Adliya vazirligiga xorijiy investorlarni va xorijiy investitsiyalar ishtirokidagi korxonalarni huquqiy himoya qilishni ta’minlash vazifasi yuklatildi.

2003 yil 27 avgust – O‘zbekiston Respublikasi Vazirlar Mahkamasining “O‘zbekiston Respublikasi Adliya vazirligi faoliyatini yanada takomillashtirish chora-tadbirlari to‘g‘risida”gi 370-son qarori qabul qilindi va Adliya vazirligining yangi Nizomi tasdiqlandi.

2003 yil 29 sentyabrь – O‘zbekiston Respublikasi Vazirlar Mahkamasining 2003 yil 27 avgustdagi 370-sonli qarori hamda adliya vazirining 2003 yil 29 sentyabrdagi 237-sonli buyrug‘iga asosan Iqtisodiy islohot bo‘yicha qonunchilik va normativ hujjatlar loyihalarini tayyorlash va huquqiy ekspertiza qilish boshqarmasi Iqtisodiy qonunchilik boshqarmasiga, Huquqiy siyosatni muvofiqlashtirish va o‘quv muassasalari boshqarmasi esa Huquqiy targ‘ibot va huquqiy ta’lim boshqarmasiga aylantirildi.

2004 yil 24 fevralь – O‘zbekiston Respublikasi Vazirlar Mahkamasining 112-f-sonli farmoyishi bilan tasdiqlangan Huquqni muhofaza qilish organlar tomonidan inson huquqlariga rioya etilishining holatini o‘rganish bo‘yicha Idoralararo ishchi guruhi tashkil etildi va Adliya vaziri mazkur ishchi guruhining rahbari etib belgilandi.

2005 yil 28 sentyabrь – O‘zbekiston Respublikasi Oliy Majlisining Inson huquqlari bo‘yicha vakili (Ombudsman) bilan Adliya vazirligi o‘rtasida “Inson huquq va erkinliklarini ta’minlash, himoya qilish va unga rioya etish sohasida hamkorlik qilish to‘g‘risida”gi Memorandum imzolandi va ushbu hujjat hamkorlikda faoliyat ko‘rsatish uchun zamin yaratdi.

2005 yil 15 dekabrь –O‘zbekiston Respublikasi Prezidentining
PQ-237-sonli qaroriga muvofiq Adliya vazirligi huzurida Normativ-huquqiy hujjatlarning amalga oshirilishi ustidan monitoring qilish markazi tashkil etildi hamda mazkur markazning direktori Adliya vazirining o‘rinbosari etib belgilandi.

2008 yil 27 oktyabrь – Inson huquqlarini himoya qilish borasidagi faoliyat samaradorligini oshirish, ushbu sohada faoliyat yurituvchi idoralarning o‘zaro aloqalarini muvofiqlashtirish maqsadida Bosh prokuratura, Ichki ishlar vazirligi va Adliya vazirligi o‘rtasida “Inson huquqlarini himoya qilishni ta’minlash sohasida hamkorlik qilish to‘g‘risida”gi Kelishuv imzolandi.

2009 yil 31 dekabrь – O‘zbekiston Respublikasi Vazirlar Mahkamasining “O‘zbekiston Respublikasi qonun hujjatlari ma’lumotlari milliy bazasidan keng foydalanishni ta’minlash chora-tadbirlari to‘g‘risida”gi 340-sonli qaroriga asosan 2010 yil 1 yanvardan boshlab barcha foydalanuvchilarning Qonun hujjatlari ma’lumotlari milliy bazasidan tekin foydalanishi belgilab qo‘yildi.

2011 yil 17 iyunь – O‘zbekiston Respublikasi Prezidentining “Davlat organlari faoliyatida qonuniylikni ta’minlash sohasida adliya organlarining rolini yanada oshirish chora-tadbirlari to‘g‘risida”gi PQ-1555-sonli qaroriga asosan Adliya vazirligi huzuridagi Normativ-huquqiy hujjatlarning amalga oshirilishi ustidan monitoring qilish markazi Adliya vazirligi Qonunchilikka rioya etilishi ustidan nazorat qilish bosh boshqarmasiga aylantirildi va uning hududiy bo‘limlari tashkil etildi. Keyinchalik O‘zbekiston Respublikasi Prezidentining 2014-yil 24-iyuldagi “Qonunchilik ijrosini ta’minlash tizimini yanada takomillashtirish chora-tadbirlari to‘g‘risida”gi PF-4636-son Farmoni bilan Adliya vazirligi Qonunchilikka rioya etilishi ustidan nazorat qilish bosh boshqarmasi va uning hududiy bo‘limlari tugatildi.

2011 yil 23 avgust – O‘zbekiston Respublikasi Prezidentining “O‘zbekiston Respublikasi Adliya vazirligi faoliyatini yanada takomillashtirish chora-tadbirlari to‘g‘risida”gi PQ-1602-sonli qarori qabul qilindi hamda O‘zbekiston Respublikasi Adliya vazirligining yangi Nizomi tasdiqlandi.

2015 yil 15 may – O‘zbekiston Respublikasi Prezidentining “Xususiy mulk, kichik biznes va xususiy tadbirkorlikni ishonchli himoya qilishni ta’minlash, ularni jadal rivojlantirish yo‘lidagi to‘siqlarni bartaraf etish chora-tadbirlari to‘g‘risida”gi PF-4725-son Farmoni bilan Adliya vazirligiga adliya organlari xodimlarining chegaralangan miqdorini saqlab qolgan holda, “bir darcha” markazlari faoliyatini muvofiqlashtirish, nazorat qilish va uslubiy ko‘mak ko‘rsatish vazifalari yuklatildi.

2017 yil 12 dekabrь – O‘zbekiston Respublikasi Prezidentining “Aholiga davlat xizmatlari ko‘rsatishning milliy tizimini tubdan isloh qilish chora-tadbirlari to‘g‘risida”gi Farmoni bilan Adliya vazirligi huzuridagi Davlat xizmatlari agentligi tashkil etildi.

2018 yil 13 aprelь – O‘zbekiston Respublikasi Prezidentining “Davlat huquqiy siyosatini amalga oshirishda adliya organlari va muassasalari faoliyatini tubdan takomillashtirish chora-tadbirlari to‘g‘risida”gi Farmoni bilan tumanlar (shaharlar)da adliya bo‘limlari tashkil etildi hamda Adliya vazirligining Shartnomaviy-huquqiy ishlarni nazorat qilish boshqarmasi va uning hududiy bo‘limlari tugatildi.

Bundan tashqari, 2018 yildan boshlab:

O‘zbekiston Respublikasi adliya vaziri davlat organlari va tashkilotlarining norma ijodkorligi faoliyati va huquqni qo‘llash amaliyoti holati to‘g‘risida har yili O‘zbekiston Respublikasi Oliy Majlisining Senatiga axborot taqdim etishi;

Qoraqalpog‘iston Respublikasi adliya vaziri, hududiy adliya boshqarmalari boshliqlari har yarim yil yakuni bo‘yicha tegishlicha Qoraqalpog‘iston Respublikasi Jo‘qorg‘i Kengesi, viloyatlar va Toshkent shahar xalq deputatlari Kengashlariga joylarda norma ijodkorligi hamda huquqni qo‘llash amaliyoti holati bo‘yicha axborot taqdim etishi;

tuman (shahar) adliya bo‘limlari boshliqlari har chorakda tegishlicha tuman (shahar) xalq deputatlari Kengashlariga tuman (shahar) darajasidagi davlat organlari va tashkilotlarining norma ijodkorligi hamda huquqni qo‘llash amaliyoti holati bo‘yicha axborot taqdim etishi belgilandi.

2018 yil 13 aprelь – O‘zbekiston Respublikasi Prezidentining “O‘zbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar to‘g‘risida”gi PQ-3666-sonli Qarori qabul qilindi. Mazkur Qaror bilan O‘zbekiston Respublikasi Adliya vazirligi to‘g‘risidagi nizom;

O‘zbekiston Respublikasi Adliya vazirligi tizimining tashkiliy tuzilmasi;

O‘zbekiston Respublikasi Adliya vazirligi markaziy apparati tuzilmasi;

Qoraqalpog‘iston Respublikasi Adliya vazirligi tuzilmasi, viloyatlar va Toshkent shahar adliya boshqarmalarining namunaviy tuzilmasi;

tumanlar (shaharlar) adliya bo‘limlarining namunaviy tuzilmasi;

normativ-huquqiy hujjatlarning ijrochilarga etkazilishi hamda ulardagi norma va qoidalarning aholiga tushuntirilishi sxemasi hamda adliya organlari va muassasalari faoliyatini yanada takomillashtirish va samaradorligini ta’minlash bo‘yicha kompleks chora-tadbirlar tasdiqlandi.

2019 yil 9 yanvarь – O‘zbekiston Respublikasi Prezidentining “Jamiyatda huquqiy ong va huquqiy madaniyatni yuksaltirish tizimini tubdan takomillashtirish to‘g‘risida”gi PF-5618-sonli Farmon bilan Adliya vazirligi jamiyatda huquqiy ong va huquqiy madaniyatni yuksaltirish sohasida muvofiqlashtiruvchi davlat organi etib belgilandi. Jamiyatda huquqiy madaniyatni yuksaltirish konsepsiyasi tasdiqlandi.

2019 yil 8 fevralь – O‘zbekiston Respublikasi Prezidentining “Intellektual mulk sohasida davlat boshqaruvini takomillashtirish chora-tadbirlari to‘g‘risida”gi PQ-4168-son qaroriga muvofiq intellektual mulkni huquqiy muhofaza qilish va umume’tirof etilgan xalqaro normalarni implementatsiya qilishga oid faoliyati qoniqarsiz deb topilganligi sababli Intellektual mulk agentligi O‘zbekiston Respublikasi Adliya vazirligi tizimiga o‘tkazildi.

2020 yil 19 may – O‘zbekiston Respublikasi Prezidentining “Davlat huquqiy siyosatini amalga oshirishda adliya organlari va muassasalari faoliyatini yanada takomillashtirish chora-tadbirlari to‘g‘risida”gi
PF-5997-sonli Farmoni qabul qilindi.

Mazkur Farmonga asosan 2020 — 2024 yillarda adliya organlari va muassasalarini rivojlantirish konsepsiyasi tasdiqlandi.

Vazirlikda Ma’muriy tartib-taomillarni takomillashtirish va monitoringini yuritish hamda Fuqarolik-huquqiy munosabatlarni rivojlantirish boshqarmalari tashkil etildi.

2020 yil 2 iyunь – O‘zbekiston Respublikasi Prezidentining “O‘zbekiston Respublikasining xalqaro reyting va indekslardagi o‘rnini yaxshilash hamda davlat organlari va tashkilotlarida ular bilan tizimli ishlashning yangi mexanizmini joriy qilish to‘g‘risida”gi PF-6003-sonli Farmoniga asosan Adliya vazirligi markaziy apparati tuzilmasida Xalqaro reyting va indekslar bilan ishlash boshqarmasi tashkil etildi. O‘zbekiston Respublikasi Adliya vazirligi Kengashning ishchi organi etib belgilandi.

2021 yil 11 fevralь – O‘zbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qo‘shimcha chora-tadbirlar to‘g‘risida” PF-6166-sonli Farmoniga ko‘ra Adliya vazirligiga qonunchilik hujjatlari va topshiriqlarning o‘z vaqtida, to‘liq va sifatli amalga oshirilishini ta’minlash yuzasidan, shu jumladan Hisob palatasi bilan birgalikda sohalar, hududlar va idoralar kesimida manzilli va tematik tahliliy o‘rganishlarni olib borish va joylardagi holat monitoringini yuritish vazifasi yuklatildi.

2022 yil 17 mart – “Fuqarolarning huquq va erkinliklarini ta’minlash hamda huquqiy xizmat ko‘rsatishda adliya organlari va muassasalari faoliyati samaradorligini yanada oshirish chora-tadbirlari to‘g‘risida”gi PF – 89-son Prezident Farmoni qabul qilindi. Mazkur Farmonga muvofiq, adliya tizimida yagona boshqaruvni joriy qilish uchun Davlat xizmatlari agentligi va Intellektual mulk agentligi bevosita Adliya vazirligiga, ularning hududiy tuzilmalari esa hududiy adliya organlariga qo‘shildi.

Adliya vazirligi markaziy apparati tuzilmasida O‘zbekiston Respublikasi Prezidenti hujjatlari va topshiriqlari ijrosini nazorat qilish boshqarmasi, hududiy adliya organlarida esa O‘zbekiston Respublikasi Prezidenti hujjatlari va topshiriqlari ijrosini nazorat qilish boshqarmasining hududiy bo‘limlari tashkil etildi.

2024 yil 24 may –  “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida” PF-80-son Prezident Farmoni tasdiqlandi.

Mazkur Farmonga muvofiq, Adliya vazirligi huzuridagi Yuristlar malakasini oshirish markazi, Toshkent davlat yuridik universiteti huzuridagi Yuridik kadrlarni xalqaro standartlar bo‘yicha professional o‘qitish markazi, X. Sulaymonova nomidagi Respublika sud ekspertiza markazining Sud ekspertlarining malakasini oshirish o‘quv markazi hamda “O‘zarxiv” agentligi huzuridagi Arxiv ishi va ish yuritish bo‘yicha malaka oshirish ilmiy-metodik markazi negizida O‘zbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti, Adliya vazirligining “Davlat xizmatlarini rivojlantirish markazi” davlat muassasasi negizida Qonunchilikni tahlil qilish va tartibga solish ta’sirini baholash instituti tashkil etildi.

2025 yil 25 iyulь – “Davlat organlari va tashkilotlarda ijro intizomini yanada mustahkamlashning qo‘shimcha chora-tadbirlari to‘g‘risida”gi PF-117-son Prezidentining Farmoni tasdiqlandi. Unga ko‘ra, Vazirlar Mahkamasi qarorlari ijrosini nazorat qilish bo‘yicha yangi tartib joriy etilishi munosabati bilan Adliya vazirligi markaziy apparati tuzilmasida amaldagi shtat birliklari doirasida O‘zbekiston Respublikasi Prezidenti hujjatlari va topshiriqlari ijrosini nazorat qilish boshqarmasi negizida 20 ta shtat birligidan iborat bevosita adliya vaziriga bo‘ysunuvchi O‘zbekiston Respublikasi Prezidenti va Hukumat hujjatlari ijrosini nazorat qilish boshqarmasi tashkil etildi.

2025 yil 8 sentyabrь – “Huquqiy axborotni proaktiv shaklda etkazish tizimi samaradorligini yanada oshirish chora-tadbirlari to‘g‘risida”gi 
PF-160-son Prezident Farmoni tasdiqlandi. Ushbu Farmonga koʻra, huquqiy axborotni ijtimoiy tarmoqlar orqali etkazish qamrovini oshirish maqsadida Adliya vazirligi internetdagi ommabop videoxosting platformalarida “Adliya TV” sahifasini ishga tushirildi.

Adliya vazirligi O‘zbekiston Respublikasi Vazirlar Mahkamasiga, qonun hujjatlarida nazarda tutilgan faoliyatning alohida masalalari bo‘yicha – bevosita O‘zbekiston Respublikasi Prezidentiga bo‘ysunadi.

O‘zbekiston Respublikasi Adliya vazirligining asosiy va eng muhim vazifasi norma ijodkorligi va huquqni qo‘llash amaliyoti sohasida fuqarolarning konstitutsiyaviy huquq va erkinliklarini ishonchli himoya qilishni, qonun ustuvorligini, davlat va jamiyat qurilishi sohasida qonuniylikni ta’minlashga qaratilgan yagona davlat siyosatini izchil amalga oshirishdan iboratdir.

Vazirlikka O‘zbekiston Respublikasi Bosh vaziri taqdimiga binoan O‘zbekiston Respublikasi Prezidenti tomonidan lavozimga tasdiqlanadigan va lavozimdan ozod qilinadigan adliya vaziri boshchilik qiladi.

O‘zbekiston Respublikasi Adliya vazirligi tizimiga Vazirlik markaziy apparati, “O‘zarxiv” agentligi, Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalari, tumanlar (shaharlar) adliya bo‘limlari, yuridik xizmat ko‘rsatish markazlari, davlat xizmatlari markazlari va FHDYo organlari, X. Sulaymonova nomidagi Respublika sud ekspertiza markazi, “Adolat” milliy huquqiy axborot markazi” davlat muassasasi, “Adliya organlari va muassasalarida axborot-kommunikatsiya texnologiyalarini rivojlantirish markazi” davlat muassasasi, Yuridik kadrlarni qayta tayyorlash va malakasini oshirish instituti, Qonunchilikni tahlil qilish va tartibga solish ta’sirini baholash instituti, “Intellektual mulk markazi” davlat muassasasi, davlat notarial idoralari va arxivlari, Toshkent davlat yuridik universiteti va Toshkent davlat yuridik universiteti huzuridagi akademik litseylar kiradi.