Maktabgacha ta’lim tashkilotlaridagi guruhlar ularda bolalarning bo‘lishi davomiyligiga qarab:

• bolalar qisqa vaqt bo‘ladigan guruhlar (kuniga 3-4 soat);
• to‘liq kunli guruhlar (kuniga 9, 10,5 va 12 soat);
• bolalar kechayu kunduz bo‘ladigan guruhlar bo‘lishi mumkin.

Maktabgacha ta’lim tashkilotlarining:

• bolalar 3-4 soat bo‘ladigan guruhlarida — kunduzgi uyqu tashkil etilmaydi va bir martalik ovqatlantirish tashkil etilishi mumkin;
• bolalar 9 — 10,5 soat bo‘ladigan guruhlarida — 3-martalik ovqatlantirish tashkil etilishi va kunduzgi uyqu uchun sharoitlar yaratilgan bo‘lishi kerak;
• bolalar 12 soat bo‘ladigan guruhlarida — 4-martalik ovqatlantirish tashkil etilishi va kunduzgi uyqu uchun sharoitlar yaratilgan bo‘lishi kerak.

Maktabgacha ta’lim tashkilotlarining bolalar kechayu kunduz bo‘ladigan guruhlarida kunduzgi va tungi uyqu hamda 5-martalik ovqatlantirish tashkil etilishi uchun sharoitlar yaratilgan bo‘lishi kerak.

• 3 yoshdan 7 yoshgacha bo‘lgan bolalar uzluksiz uxlamaydigan muddatning tavsiya etiladigan maksimal davomiyligi 5,5 — 6 soatni tashkil etadi.
• 3 yoshdan 7 yoshgacha bo‘lgan bolalar uchun sutkalik uyquning tavsiya etiladigan umumiy davomiyligi muddati 12 — 12,5 soatni tashkil etadi, shundan 2 — 2,5 soatni kunduzgi uyqu uchun ajratish tavsiya qilinadi.

Maktabgacha ta’lim tashkilotining ish rejimi va bolalarning unda bo‘lishi davomiyligi uning ustavida belgilanadi.

Guruhlar yoshga doir toifalar bo‘yicha to‘ldirilganda quyidagi yosh toifalari belgilanadi:

1. ilk rivojlanish guruhi (bir yoshdan uch yoshgacha);
2. kichik guruh (uch yoshdan to‘rt yoshgacha);
3. o‘rta guruh (to‘rt yoshdan besh yoshgacha);
4. katta guruh (besh yoshdan olti yoshgacha);
5. maktabga tayyorlov guruhi (olti yoshdan etti yoshgacha).

Maktabgacha ta’lim tashkiloti guruhlarini to‘ldirish va bolalarni bir guruhdan boshqasiga o‘tkazish har yili o‘quv yili boshlanguniga qadar amalga oshiriladi.

• Guruh tarbiyachisi ertalab bolalarni qabul qilib olgandan keyin, tarbiyalanuvchilarning sog‘ligi guruh tarbiyachilari tomonidan hamshira nazoratida ko‘rikdan o‘tkaziladi.
• Bola bog‘chada bo‘lgan vaqtda sog‘lig‘ining yomonlashuvi, shuningdek boshqa noxush holatlar kuzatilgan hollarda bog‘cha xodimlari tomonidan zudlik bilan tibbiyot hamshirasiga, shuningdek uning ota-onasiga xabar beriladi. Bunda tarbiyalanuvchining ota-onasi etib kelgunga qadar tibbiyot xodimi tomonidan birinchi tibbiy yordam ko‘rsatilishi lozim.
• Bola bog‘chada bo‘lgan vaqtda ularni yolg‘iz va nazoratsiz qoldirish taqiqlanadi.
• Bolalarni bog‘cha hududidan tashqariga sayr yoki ekskursiyalarga olib chiqish ichki ishlar organlari bilan kelishilgan holda amalga oshiriladi.
• Bog‘chalarga hududiga kirish eshigiga qo‘ng‘iroq o‘rnatilishi va guruhda mavjud bo‘lgan javon, ilgak, portretlar, shuningdek gul tuvaklarini joylashtirishga mo‘ljallangan maxsus moslamalar devor yoki polga mahkamlab qo‘yilishi lozim.

• Maktabgacha bo‘lgan yoshdagi bolalar uchun tabiiy oziq-ovqat mahsulotlari to‘plami, ularni yoshiga doir fiziologik ehtiyojlariga muvofiq bo‘lgan ratsional va mutanosib oziq-ovqat bilan ta’minlash tartibi Sog‘liqni saqlash vazirligi tomonidan Maktabgacha ta’lim vazirligi bilan birgalikda belgilanadi.
• Maktabgacha ta’lim tashkilotlarida oziq-ovqat sifati ustidan nazorat Vazirlar Mahkamasi huzuridagi Sanitariya-epidemiologiya nazorati davlat inspektsiyasi, uning hududiy bo‘linmalari va maktabgacha ta’lim organlari tomonidan amalga oshiriladi.
• Maktabgacha ta’lim tashkilotlarida maktabgacha bo‘lgan yoshdagi bolalarning ovqatlanishini tashkil etish autsorsing uslubi bilan ham amalga oshirilishi mumkin.

• qo‘ziqorinlar;
• qaynatilmagan sut;
• termitik ishlov berilmagan tvorog va smetana;
• suvda yashovchi qushlarning tuxumi va go‘shti;
• veterinar ko‘rigidan o‘tkazilmagan go‘sht va baliq;
• uyda tayyorlangan yashil no‘xat, konserva mahsulotlari;
• qopqog‘ida germetik buzilish alomati bo‘lgan bankalardagi konserva mahsulotlari;
• ifloslanish va turli parazitlar bilan zararlanish alomati bo‘lgan un, krupa, quruq mevalar;
• buzilish alomati bo‘lgan sabzavotlar;
• achchiq ovqatlar, ziravorlar, ovqatga sun’iy qo‘shimchalar;
• tarkibida sintetik aromatizatorlar, sun’iy rang beruvchi vositalar qo‘shilgan mahsulotlar, xususan gazlangan ichimliklar, konditerlik mahsulotlari, saqich chips va boshqalar;
• tuzlangan sabzavot va mevalar;
• kulinar yog‘lar;
• yog‘ massasi 72 foizdan kam bo‘lgan sariyog‘;
• turli xil kolbasa, sosiska va sardelkalar;
• mayonez, murch, gorchitsa, xren, uksus, tabiiy kofe.

Quyidagi ovqat mahsulotlarini tayyorlash yoki bolalarga berish taqiqlanadi:

• qolib ketgan ovqatlar;
• kvas;
• go‘shtli yoki tvorogli blinchik;
• tuxum aralashtirilgan makaron;
• flotcha makaron;
• qovurilgan tuxum;
• kremli konditerlik mahsulotlari;
• kremlar;
• mors;
• pashtet.