Telekommunikatsiyalar xizmatlarini ko‘rsatish shartnomasini tuzish va bekor qilish

Shartnoma tuzish tartibi

Telekommunikatsiyalar xizmatlari operator, provayder yoki eshittiruvchi bilan abonent o‘rtasida tuziladigan shartnoma asosida ko‘rsatiladi.

Jismoniy shaxs bilan shartnoma:

shaxsni tasdiqlovchi hujjat taqdim etilgan holda shaxsan;
vakilning shaxsini tasdiqlovchi hujjati va belgilangan tartibda rasmiylashtirilgan ishonchnoma asosida;
texnik imkoniyat mavjud bo‘lganda Face-ID orqali biometrik identifikatsiya asosida tuzilishi mumkin.

Texnik sabablarga ko‘ra biometrik identifikatsiyadan o‘tish imkoni bo‘lmasa, shaxs operatorning xizmat ko‘rsatish ofisiga murojaat qiladi.

Operator shartnomani bevosita yoki o‘zining vakolatli dileri orqali tuzishi mumkin.

Taqdim etiladigan ma’lumotlar

Jismoniy shaxs shartnoma tuzishda familiyasi, ismi, otasining ismi, yashash joyi, shaxsni tasdiqlovchi hujjat rekvizitlari va JShShIRni taqdim etadi.

Yuridik shaxs bo‘yicha uning nomi, joylashgan manzili, bank rekvizitlari va STIR ko‘rsatiladi.

Shartnomada, qoida tariqasida:

xizmat turi va sifati;
tarif va hisob-kitob tartibi;
taraflarning huquq va majburiyatlari;
xizmatni vaqtincha to‘xtatish shartlari;
shartnomani o‘zgartirish va bekor qilish tartibi;
taraflarning javobgarligi belgilanadi.

Shartnoma tuzilishidan oldin abonent xizmatlar ro‘yxati, tariflar, ulanish shartlari, xizmat sifati va ma’lumotlarni himoya qilish darajasi haqida to‘liq axborot olish huquqiga ega.

Shartnomani qayta rasmiylashtirish

Abonent xuddi shu ATS xizmat ko‘rsatadigan hududdagi yangi turar joyga ko‘chsa, texnik imkoniyat mavjud bo‘lganda shartnoma avvalgi raqam saqlangan holda qayta rasmiylashtiriladi.

Abonent shu operatorning boshqa ATS hududiga ko‘chsa, texnik imkoniyat mavjud bo‘lganda unga yangi abonent raqami ajratiladi.

Telefonlashtirilgan turar joyni sotish, almashtirish, ijaraga berish, familiya, manzil yoki rekvizitlar o‘zgarganda abonent bir oy ichida shartnomani qayta rasmiylashtirishi yoki bekor qilishi kerak.

Shartnomani bekor qilish

Abonent operator shartnoma shartlarini buzsa, xizmatdan voz kechish va shartnomani bekor qilish huquqiga ega.

Telefon aloqasi qarzdorlik sababli to‘xtatilganidan keyin qarz 60 kundan ortiq muddatda bartaraf etilmasa, operator shartnomani bir tomonlama bekor qilishi mumkin. Bunda abonent shartnoma bekor qilinishidan kamida 10 kun oldin xabardor qilinishi shart.

Shartnoma bekor qilinganda abonent foydalanilmagan avans qoldig‘ini qaytarishni talab qilishi mumkin. Operator ushbu mablag‘ni murojaat kelib tushganidan keyin 15 kun ichida qaytarishi kerak.

Mazkur tartib Telekommunikatsiyalar xizmatlarini ko‘rsatish qoidalari bilan belgilangan.

Maqola foydali bo‘ldimi?

Bo‘limlar