Yo‘l-patrulь xizmati xodimi bilan o‘zaro munosabatlar

V Uzbekistane usilili kontrolь za dvijeniem po vыdelennыm polosam dlya obщestvennogo transporta

Transport vositasini to‘xtatish asoslari

YPX xodimi transport vositasini quyidagi hollarda to‘xtatishi mumkin:

yo‘l harakati qoidasi buzilganligi vizual kuzatuvda aniqlanganda yoki maxsus moslamada qayd etilganda;
transport vositasi, haydovchi yoki yo‘lovchi qidiruvda ekanligi yoxud huquqbuzarlikka aloqadorligi haqida ma’lumot bo‘lganda;
YTH yoki huquqbuzarlik guvohidan ma’lumot olish zarur bo‘lganda;
vakolatli organning harakatni cheklash yoki taqiqlash ko‘rsatmasi bajarilayotganda;
transport vositasidan qonunda belgilangan tartibda foydalanish zarur bo‘lganda;
tasdiqlangan maxsus tadbir o‘tkazilayotganda;
transportni boshqarish, undan foydalanish, transport vositasi yoki yukka oid hujjatlarni tekshirish uchun.

Muhim: YPX xodimi transport vositasini yuqorida ko‘rsatilmagan boshqa asos bilan to‘xtatishi yoki haydovchini asossiz ushlab turishi mumkin emas.

Qoidabuzarlik aniqlangan bo‘lsa, xodim avval aynan qaysi qoida buzilganini tushuntirishi, shundan keyingina hujjatlarni tekshirishi kerak.

Haydovchining huquqlari

Haydovchi:

to‘xtatish sababi va Yo‘l harakati qoidalarining qaysi bandi buzilganini so‘rashga;
xodimdan o‘zini tanishtirishini, xizmat guvohnomasini ko‘rsatishini va ko‘krak nishoni raqamini aytishini talab qilishga;
o‘zaro munosabatni audio, foto yoki videoga olishga;
qonunda belgilangan alohida holatlardan tashqari avtomobildan chiqmasdan muloqot qilishga;
radar yoki boshqa maxsus moslama natijasi bilan tanishishga;
moslamaning qiyoslash sertifikatini ko‘rsatishni talab qilishga;
bayonnoma va ish materiallari bilan tanishish, ularni nusxalash yoki suratga olishga;
xodim harakati, bayonnoma yoki qaror ustidan yuqori turuvchi organga yoxud sudga shikoyat qilishga haqli.

Muhim: xizmatni mobilь videokamerasiz olib borayotgan YPX xodimiga haydovchi hujjatlarni taqdim etmaslik huquqiga ega. Foto va video tasvirga olish taqiqlangan maxsus hududlar bundan mustasno.

Avtomobildan chiqish talabi

YPX xodimi haydovchi yoki yo‘lovchidan avtomobildan chiqishni faqat belgilangan hollarda, jumladan:

texnik nosozlik yoki yuk tashish qoidabuzarligini bartaraf etish;
mastlikka etarli asos mavjud bo‘lishi;
agregat raqamlarini solishtirish;
transport yoki yuk hujjatlarini tekshirish zarurati;
haydovchi yoki yo‘lovchi jinoyat sodir etganlikda gumon qilinishi;
haydovchining holati harakat xavfsizligiga tahdid solishi mumkin bo‘lganda talab qilishi mumkin.