Nogironligi bo‘lgan yoshlarga qanday subsidiyalar beriladi?

Nogironligi bo‘lgan yoshlarga Yoshlar ishlari agentligi tomonidan:

nodavlat ta’lim tashkilotida o‘qish xarajatlari;

o‘qish davridagi yashash va transport xarajatlari;

tadbirkorlik yoki o‘zini o‘zi band qilish uchun asbob-uskuna va mehnat qurollarini xarid qilish bo‘yicha subsidiyalar ajratiladi.

Kimlar murojaat qilishi mumkin?

O‘qish, yashash va transport xarajatlari uchun subsidiyaga 14 yoshdan 30 yoshgacha bo‘lgan nogironligi bo‘lgan shaxslar murojaat qilishi mumkin.

16 yoshga to‘lmagan shaxs nomidan uning qonuniy vakili ariza beradi.

O‘qish xarajatlari uchun subsidiya

Subsidiya quyidagi yo‘nalishlarda o‘qish uchun ajratiladi:

kasb-hunar va kasbiy ko‘nikmalar;
axborot texnologiyalari va dasturlash;
umumta’lim fanlari;
xorijiy tillar.

Har oylik subsidiya miqdori:

kasb-hunar, kasbiy ko‘nikma, IT va dasturlash uchun — 5 BHMgacha;
umumta’lim fanlari uchun — 3 BHMgacha;
xorijiy tillar uchun — 3 BHMgacha.

Subsidiya faqat bitta o‘quv kursi uchun, ko‘pi bilan 12 oyga ajratiladi. Bir nafar yoshga ajratiladigan subsidiyalarning umumiy miqdori 50 BHMdan oshmaydi.

Yashash va transport xarajatlari

O‘qish xarajatlari uchun subsidiya tasdiqlangan yoshlarga zarur hollarda yashash va transport xarajatlari ham qoplab beriladi.

Bunda:

transport uchun har bir kilometrga — BHMning 0,2 foizigacha;
ijarada yashash uchun bir sutkaga — BHMning 10 foizigacha

subsidiya ajratilishi mumkin.

Ushbu xarajatlar bo‘yicha ariza o‘qish boshlanganidan keyin har oy yakunida beriladi.

Asbob-uskuna va mehnat qurollari uchun subsidiya

Asbob-uskuna olish uchun subsidiyaga 16 yoshdan 30 yoshgacha bo‘lgan nogironligi bo‘lgan yoshlar murojaat qilishi mumkin.

Buning uchun shaxs:

kamida bir oylik kasbga o‘qitish yoki tadbirkorlik kursini tugatgan;
sertifikat yoki diplom olgan;
tadbirkorlik sub’ekti yoki o‘zini o‘zi band qilgan shaxs sifatida davlat ro‘yxatidan o‘tgan bo‘lishi kerak.

Subsidiya miqdori 50 BHMgacha bo‘lib, ariza davlat ro‘yxatidan o‘tgan kundan boshlab 180 kun ichida beriladi.

Qaerga murojaat qilinadi?

Ariza:

istalgan Davlat xizmatlari markazi;
yoki Yagona interaktiv davlat xizmatlari portali orqali

taqdim etiladi.

Davlat xizmati bepul ko‘rsatiladi. Arizalar talablarga muvofiqligi va kelib tushish navbati asosida ko‘rib chiqiladi. O‘qish bilan bog‘liq subsidiya har yili talablarga javob bergan 500 nafargacha shaxsga ajratiladi.

Normativ hujjatlar

O‘zbekiston Respublikasi Vazirlar Mahkamasining 2022-yil 21-iyundagi 341-son qarori

Maqola foydali bo‘ldimi?

Bo‘limlar