Huquqiy maslahat - bepul,tezkor, hammaga!
O‘zgalar parvarishiga muhtoj keksalar va nogironligi bo‘lgan shaxslarga ijtimoiy xizmat va yordam ko‘rsatish
- 20725 marta o'qildi
O‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslarni aniqlash, ularga ijtimoiy xizmat va yordam ko‘rsatish «Inson» ijtimoiy xizmatlar markazlari tomonidan amalga oshiriladi.
Ushbu shaxslar to‘g‘risidagi reestr «Yagona milliy ijtimoiy himoya» axborot tizimida yuritiladi.
Reestrga kiritish va ehtiyojlarni baholash
Yolg‘iz keksalar va nogironligi bo‘lgan shaxslarni aniqlash hamda ularning murojaatlarini qabul qilish mahalla darajasida amalga oshiriladi.
«Inson» ijtimoiy xizmatlar markazi:
- shaxsning o‘zgalar parvarishiga muhtojlik darajasini baholaydi;
- unga zarur bo‘lgan ijtimoiy xizmatlar va yordam turlarini belgilaydi;
- individual ijtimoiy xizmatlar rejasini tasdiqlaydi;
- yashash sharoitini ushbu rejaga muvofiq moslashtirish choralarini ko‘radi.
Reestrga kiritilgan shaxslar haqidagi ma’lumotlar tegishli ijtimoiy xizmat va yordamlarni ko‘rsatish uchun davlat organlariga elektron tarzda taqdim etiladi.
Ijtimoiy xizmat ko‘rsatish shartnomasi
Reestrga kiritilgan yolg‘iz keksalar va nogironligi bo‘lgan shaxslarga davlat tomonidan kafolatlangan ijtimoiy xizmatlar va yordam ijtimoiy xizmat ko‘rsatish shartnomasi asosida ko‘rsatiladi.
Xizmatlarning turi, hajmi, muddati va ularni ko‘rsatish tartibi shaxsning ehtiyojlari asosida tuzilgan individual ijtimoiy xizmatlar rejasida belgilanadi.
Yo‘qotilgan pasport yoki ID-kartani tiklash
Yolg‘iz keksalar va nogironligi bo‘lgan shaxslarning yo‘qotilgan biometrik pasportlari yoki identifikatsiya ID-kartalari ular reestrga kiritilguniga qadar «Inson» ijtimoiy xizmatlar markazi buyurtmasi asosida davlat boji undirilmagan holda almashtirib beriladi.
Bepul transport chiptalari
Reestrga kiritilgan yolg‘iz keksalar va nogironligi bo‘lgan shaxslarga, shuningdek ularga bevosita hamrohlik qiluvchi bir nafar shaxsga bir yilda bir marta:
- temir yo‘l transportida;
- yoki shaharlararo avtobusda
borish va qaytish uchun bepul chipta ajratiladi.
Har oylik moddiy yordam
Reestrga kiritilgan yolg‘iz keksalar va nogironligi bo‘lgan shaxslarga uy-joy-kommunal xizmatlar haqini to‘lash bo‘yicha kompensatsiya hamda oziq-ovqat mahsulotlari va shaxsiy gigiena tovarlari uchun qo‘shimcha pul to‘lovlari o‘rniga har oyda minimal iste’mol xarajatlari miqdorida moddiy yordam beriladi.
Mazkur moddiy yordam:
- yolg‘iz yashovchi keksalarga;
- yolg‘iz yashovchi nogironligi bo‘lgan shaxslarga
tatbiq etilmaydi.
Ijtimoiy qo‘llab-quvvatlash markazlaridagi xizmatlar
Ijtimoiy qo‘llab-quvvatlash markazlarida o‘zgalar parvarishiga muhtoj keksalar va nogironligi bo‘lgan shaxslarga shartnoma asosida:
- mobilь ijtimoiy xizmatlar;
- kunduzgi qatnov shaklidagi xizmatlar;
- qisqa muddatli ijtimoiy va reabilitatsiya xizmatlari;
- uzoq muddatli ijtimoiy va reabilitatsiya xizmatlari
ko‘rsatiladi.
Ushbu xizmatlar 2025-yil 1-iyuldan boshlab respublikaning barcha hududlaridagi Ijtimoiy qo‘llab-quvvatlash markazlarida yo‘lga qo‘yilgan.
Markazlarda istiqomat qiluvchi shaxslarga ehtiyoji va xohishiga ko‘ra:
- qisqa yoki uzoq muddat qolish;
- muassasadan mustaqil hayotga chiqish;
- ijtimoiy-mehnat reabilitatsiyasida ishtirok etish;
- o‘z xohishiga ko‘ra mehnat faoliyati bilan shug‘ullanish
imkoniyati yaratiladi.
Xizmatlar sifatini monitoring qilish
Ijtimoiy xizmatlar sifati va individual ijtimoiy xizmatlar rejasining natijalari har olti oyda bir marta:
- «Inson» markazi xodimi;
- oilaviy shifokor;
- fuqarolar yig‘ini raisi
tomonidan monitoring qilinadi.
Monitoring jarayonida xizmatlarning muddati, natijasi, sifati, samaradorligi va xavfsizligi, shuningdek xizmat oluvchining qoniqish darajasi baholanadi.
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/ijtimoiy.png)
/2222.png)
/11.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/13.png)
/gender.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/19.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/2.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/9.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/12.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/Informatization%202.png)
/4.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/vatandoshlar%2010.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/saldatkui.png)
/vote%202%20%D0%BA%D0%BE%D0%BF%D0%B8%D1%8F.png)
/6.png)
/3.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/8.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/transport.png){kind=spacer}
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/Green_Right_Arrow_Transparent_PNG_Clip_Art_Image.png){kind=spacer}
/Tamojni.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/17.png)
/construction.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/7.png)
/%D0%91%D0%B5%D0%B7%D1%8B%D0%BC%D1%8F%D0%BD%D0%BD%D1%8B%D0%B9-1.png)
/YXk.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/14.png)
/travl%203.png)
/tree.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/Sport_madad.png)
/Informatization.png)
/%D0%9D%D0%BE%D0%B2%D0%B0%D1%8F%20%D0%BF%D0%B0%D0%BF%D0%BA%D0%B0%20(3)/5.png)
