Bugun “Madad” NNT Ijrochi direktori Sh.Saidov va tashkilot masʼul xodimlari Vengriyaning Toshkentdagi Elchixonasida Favqulodda va Muxtor Elchi Yojef Roja janoblari bilan uchrashuv o‘tkazdi. 

Uchrashuvda elchixona vakillari bilan o‘zaro manfaatli hamkorlik yo‘nalishlari atroflicha muhokama qilindi. Bu hamkorlik – “Madad” NNTning imkoniyatlarini yana-da kengaytirish va ko‘rsatilayotgan bepul yuridik xizmatlar sifatini oshirishda muhim ahamiyat kasb etishi taʼkidlandi. 

Suhbat davomida Yojef Roja janoblari “Madad” NNTning faoliyati bilan yaqindan tanishtirilib, kelajakdagi o‘zaro manfaatli loyihalar va hamkorlik imkoniyatlari yuzasidan fikr almashildi.