Bugun “Madad” NNTga KOICA (Korea International Cooperation Agency) tashkilotining vakillari Muassasaning faoliyati bilan yaqindan tanishish va o‘zaro taraflar o‘rtasida hamkorlik aloqalarini o‘rnatish maqsadida maqsadida tashrif buyurishdi. 

Tashrif davomida KOICA tashkilotining vakillari “Madad” NNTning asosiy vazifa va funksiyalari, Muassasa tomonidan amalga oshirayotgan ijtimoiy loyihalar, Muassasa tomonidan aholiga ko‘rsatayotgan bepul yuridik yordam amaliyoti bilan tanishishdi. Shuningdek, tomonlar o‘rtasida aholiga beg‘araz yuridik yordam ko‘rsatish va jamiyatda huquqiy axborotni tarqatishda “Advice.uz” huquqiy ahborot portaliga sunʼiy intellektni joriy etish istiqbollari va kelgusida o‘zaro hamkorlikda ijtimoiy loyihalarni birgalikda amalga oshirishning natijalari muhokama qilindi. 

Uchrashuv chog‘ida “Madad” NNT va KOICA o‘rtasida istiqbolli hamkorlik yo‘nalishlari, xususan, qo‘shma loyihalarni amalga oshirish, malakali mutaxassislar tayyorlash va mahalliy tashabbuslarni qo‘llab-quvvatlash kabi masalalar ko‘rib chiqildi.

Uchrashuv yakunida ikki tashkilot o‘rtasida kelgusida hamkorlik memorandumini imzolashga kelishib olindi.