AQSH Davlat departamenti 75 mamlakat fuqarolariga immigratsion vizalar berishni vaqtincha to‘xtatganini maʼlum qildi.

Cheklovlar 21 yanvardan kuchga kiradi va nomuayyan muddatga - ariza beruvchilarni tekshirish va tanlab olish tartib-taomillarini qayta ko‘rib chiqish tugaguniga qadar amal qiladi.

Idoraning ichki memorandumidan maʼlum bo‘lishicha, konsullik xodimlariga AQSH ijtimoiy yordam tizimiga ehtimoliy yuklama bilan bog‘liq xavflar baholanayotgan bir paytda amaldagi qonunchilik doirasida viza berishni rad etish topshirilgan.

Maʼlum qilinishicha, choralar davlat nafaqasini olishi mumkin bo‘lgan shaxslar kirib kelishining oldini olishga qaratilgan.

Fuqarolari uchun pauza joriy etiladigan mamlakatlar ro‘yxatiga quyidagilar kiritilgan:

Afg‘oniston, Albaniya, Jazoir, Antigua va Barbuda, Armaniston, Ozarbayjon, Bagama, Bangladesh, Barbados, Belarus, Beliz, Butan, Bosniya va Gersegovina, Braziliya, Myanma, Kambodja, Kamerun, Kabo-Verde, Kolumbiya, Kot-dʼIvuar, Kuba, Kongo Demokratik Respublikasi, Dominika, Misr, Eritreya, Efiopiya, Fiji, Gambiya, Gruziya, Gana, Grenada, Gvatemala, Gvineya, Gaiti, Eron, Iroq, Yamayka, Iordaniya, Qozog‘iston, Kosovo, Quvayt, Qirg‘iziston, Laos, Livan, Liberiya, Liviya, Shimoliy Makedoniya, Moldova, Mo‘g‘uliston, Chernogoriya, Marokash, Nepal, Nikaragua, Nigeriya, Pokiston, Kongo Respublikasi, Rossiya, Ruanda, Sent-Kits va Nevis, Sent-Lyusiya, Sent-Vinsent va Grenadin orollari, Senegal, Serra-Leone, Somali, Janubiy Sudan, Sudan, Suriya,

Arizalarni ko‘rib chiqishda Amerika rasmiylari yosh, salomatlik holati, ingliz tilini bilish darajasi, moliyaviy ahvol va uzoq muddatli tibbiy xizmatga bo‘lgan ehtimoliy ehtiyoj kabi keng ko‘lamli omillarni hisobga oladi. Ilgari olingan ijtimoiy yordam ham rad etish uchun asos bo‘lishi mumkin.