Ariza beruvchilar ijtimoiy mezonlar bo‘yicha kamida 30 ball to‘plashi, kredit tarixi talablarga javob berishi va o‘z nomida turar joyga ega bo‘lmasligi lozim.

Iqtisodiy maqsadli ko‘rsatkichlar doirasida foydalanilmay qolgan subsidiyalar hisobidan ipoteka kreditlari bo‘yicha subsidiya olish uchun arizalar 27 iyul kuni soat 15:00 dan qabul qilinadi.

Subsidiya olish uchun ariza beruvchi ijtimoiy baholash natijalariga ko‘ra kamida 30 ball to‘plashi, ishtirokchi tijorat banklaridan kamida bittasining kredit talablariga mos kelishi, shuningdek, o‘zi va turmush o‘rtog‘i nomida respublika hududida turar joy mavjud bo‘lmasligi kerak. Shu bilan birga, o‘rtacha oylik daromadi belgilangan ijtimoiy mezonlar doirasida bo‘lishi talab etiladi.

Arizalar Davlat xizmatlari марказлари,my.gov.uz portali orqali qabul qilinadi.

Shuningdek, ariza topshirishdan oldin OneID tizimi orqali ishtirokchi tijorat banklariga kredit tarixini tekshirish uchun ruxsat berilgan bo‘lishi va kredit tarixini olishga cheklov o‘rnatilmagan bo‘lishi lozim. Aks holda, ariza rad etilishi mumkin.

Harbiy tuzilmalar xodimlari esa arizani bevosita Davlat xizmatlari markazlari orqali topshirishlari mumkin.