Nogironligi bo‘lgan shaxslar uchun ish joyini moslashtirish

Nogironligi bo‘lgan shaxs uchun maxsus ish joyi uning:

sog‘lig‘i holati;

mehnat vazifalari;

reabilitatsiya qilishning yakka tartibdagi dasturi;

harakatlanish va axborotni qabul qilish imkoniyatlari hisobga olingan holda tashkil etiladi.

Maxsus sharoitlar shaxsning mehnat qilishi uchun haqiqatan zarur bo‘lgan hollarda yaratiladi.

Ish beruvchiga tavsiya etiladigan choralar

Ish beruvchiga:

ish joyini zarur jihoz va moslamalar bilan ta’minlash;
mehnat va dam olish tartibini tibbiy tavsiyalarga muvofiq belgilash;
xodimning malakasi va sog‘lig‘iga mos mehnat vazifasini tanlash;
binoga to‘siqlarsiz kirish imkoniyatini yaratish;
pandus, moslashtirilgan hojatxona va maxsus avtoturargohni nazarda tutish;
mehnat muhofazasi va xavfsizlik talablariga rioya etilishini nazorat qilish

tavsiya etiladi.

Ko‘rish qobiliyati buzilgan shaxslar uchun

Ko‘r va zaif ko‘ruvchi xodimlarning ish joyi:

Braylь displeyi va klaviaturasi;
nutq sintezatori va ekrandagi ma’lumotni ovozli o‘qish dasturi;
taktil va kontrast belgilar;
ovoz yozish va eshittirish vositalari;
ish joyini mustaqil topishga yordam beruvchi yo‘naltiruvchi belgilar

bilan jihozlanishi mumkin.

Eshitish qobiliyati buzilgan shaxslar uchun

Eshitish qobiliyati buzilgan xodimning ish joyini:

tovush kuchaytiruvchi qurilmalar;
vizual axborot vositalari;
ovoz kuchaytirgichli telefonlar;
tovush va yorug‘lik signallarini bir vaqtda beruvchi ogohlantirish tizimlari

bilan ta’minlash tavsiya etiladi.

Tayanch-harakat tizimi buzilgan shaxslar uchun

Kreslo-aravada harakatlanadigan xodim uchun:

ish joyiga erkin kirish va burilish uchun etarli maydon;
balandligi va nishabi o‘zgartiriladigan ish stoli;
moslashtiriladigan ish stuli;
qulay balandlikda joylashtirilgan boshqaruv tugmalari va jihozlar;
pandus, tutqich va keng eshiklar

nazarda tutilishi tavsiya etiladi.

Xavfsizlik talablari

Jihoz va mehnat qurollari xodimning sog‘lig‘i uchun xavfsiz bo‘lishi hamda favqulodda vaziyatlarda uning evakuatsiya qilinishini ta’minlashi kerak.

Axborot va xavfsizlik signallari ovozli, vizual yoki taktil shaklda berilishi, yopiq xonalarda esa navbatchi bilan bog‘lanish uchun «tashvish» tugmasi o‘rnatilishi tavsiya etiladi.

Kasb va lavozimni tanlash

Nogironligi bo‘lgan shaxsga ish tavsiya etishda:

uning kasbiy malakasi;
sog‘lig‘i holati;
tibbiy tavsiyalar;
ish joyida yaratilgan sharoitlar hisobga olinadi.

Qaror bilan tavsiya etilgan kasb va lavozimlarning namunaviy ro‘yxati hamda ular bo‘yicha mehnat sharoitlari tasdiqlangan.

Normativ hujjatlar

O‘zbekiston Respublikasi Vazirlar Mahkamasining 2022-yil 31-avgustdagi 486-son qarori