Авиачипта харид қилиш

Uzbekistan Airways БАА ва Туркияга парвозлар учун баҳорги чегирмаларни бошлади – Ўзбекистон янгиликлари – Gazeta

Чиптани банд қилиш

Муайян рейс ва санага жойни олдиндан банд қилиш ҳаво транспортида йўловчи ва багаж ташишнинг зарур шарти ҳисобланади.

Жойни:

телефон;
Интернет;
электрон почта;
ташувчи ёки унинг ваколатли агенти тақдим этган бошқа алоқа воситалари орқали банд қилиш мумкин.

Банд қилиш муддати ташувчи томонидан белгиланади. Банд қилиш чиптани расмийлаштиришнинг дастлабки босқичи бўлиб, унинг ўзи ташиш ҳуқуқини бермайди.

Муҳим: йўловчи белгиланган муддатда тўловни амалга оширмаса ёки ташувчининг бошқа шартларини бажармаса, банд қилинган жой огоҳлантиришсиз бекор қилиниши мумкин.

Чиптани расмийлаштириш

Ҳар бир йўловчига қоғоз ёки электрон чипта расмийлаштирилади. Чипта шахсни тасдиқловчи ҳужжат асосида муайян йўловчи номига берилади ва ундан бошқа шахс фойдаланиши мумкин эмас.

Чиптада, жумладан:

сотилган жой ва сана;
жўнаш вақти;
жўнаш ва қўниш аэропортлари;
оралиқ қўниш манзиллари;
ташувчиларнинг номи;
ташиш шартномасининг бошқа муҳим шартлари кўрсатилади.

Чипта белгиланган тариф ва йиғимлар тўланганидан кейин расмийлаштирилади. Ташувчи тарифга киритилмаган қўшимча йиғимлар ҳақида йўловчини олдиндан хабардор қилиши ва уларни ташиш шартномасида кўрсатиши керак.

Муҳим: электрон чипта билан учишда йўловчи ўз шахсини тасдиқловчи ҳужжатни тақдим этиши шарт. Чиптадаги маълумотлар ҳужжатдаги маълумотларга мос бўлиши керак.

Рейсга келмаслик

Йўловчи ташувчини олдиндан хабардор қилмасдан рейсга келмаса:

йўналишнинг кейинги қисмларидаги брон бекор қилиниши;
ташишдан воз кечиш ва ўз вақтида хабар бермаслик учун йиғим ундирилиши мумкин.

Агар йўловчи ташувчини белгиланган муддатда огоҳлантирса, кейинги рейслар бўйича брон тарафларнинг келишувига кўра сақланиши мумкин.

Ташувчининг айби ёки тиббий маълумотнома билан тасдиқланган касаллик сабабли рейсга келинмаган бўлса, тегишли йиғим ундирилмайди.

Алоҳида шартлар

Болалар, ҳамроҳсиз учаётган вояга етмаганлар, имконияти чекланган йўловчилар, замбилда ташиладиган беморлар, ҳайвонлар, қурол, ортиқча ёки йирик ўлчамли багаж билан учаётган йўловчилар учун ташувчи алоҳида банд қилиш шартларини белгилаши мумкин.

Жойлар сонидан ортиқ брон қилингани сабабли йўловчи рейсга қабул қилинмаса, ташувчи компенсация хизматларини кўрсатиши ва уни навбатдаги ёки бошқа ташувчининг рейсига жойлаштириши керак.

Авиачиптани банд қилиш ва расмийлаштириш тартиби 2238-сон Ҳаво транспортида йўловчи ва багаж ташиш қоидалари билан белгиланган.